ازاى تنجح وتجيب تقدير

 ازاي تذاكر و تجيب تقدير .. وتجيب تقدير من غير ما تذاكر كمان.. أتبع الخطوات الأتي شرحها لمفعول أعلي :-

1-أكتب "سأصير يوماً ما أريد" سبع مرات في ورقة ولفها بالطول و أنت داخل الأمتحان وشيلها فى جيبك

2-شوف المادة اللي انت مش بتحبها وكاره أبوها و أكتب علي الفيس بوك انك بتحبها و ماتقدرش تعيش من غيرها وكدا..
مثال :- ♥♥♥ Drama ♥♥  

3-وانت خارج من أي امتحان لو حد سألك عملت أيه قوله انك خريت الدنيا وهتسقط وكدا.. مش عارف دا ايه لازمتة بس عندنا في الكلية بيعملوا كدا.
*بالمناسبة اي حد لو قالك اي حاجة شبه كدا بعد الأمتحان اعرف انه كان عامل حفلة طهور في ورقة الأجابة ومافيش سؤال محلهوش*

4-كل ما تشوف حد في حاله بيعمل اي حاجة روح قوله "قوم ذاكر :P " و اعمل البتاع اللي بيطلع لسان دا عشان يزود شخصيتك الفقيعه

5-أفتح فيس تويتر و أكتب " يا سيسي نور عينيك عنده أمتحان بكرة... وصلت؟!".. وأستمروا في أستهلاك الدعابة المشردة دي لحد ما تبقي بايخة أكثر فأكثر.

6-وانت داخل اللجنة حاول تقرا اي ايات انت حافظها او اي أدعية دينية مهما كانت معتقداتك مش هاتفرق في حاجة انت كدا كدا هتغش.

7-أصحي كل يوم و قول "الأمتحانات قربت وانا مش مذاكر حاجة" 12 مرة علي الرئ كده قبل الاكل على مدار أسبوعين.. هتحس بتغيير.

8-أهم خطوة.. مقاومة "وحش الالكترونيات الشرير".. وحش افتراضى كده  بيخليك تتفرج علي فيلم ساعتين في اربع ساعات .. اللي بيخليك تذاكر قدام الجهاز او الموبايل و تذاكر وانت بتتويت او و أنت بتلعب او بتكلم صحابك علي الموبايل وأنت بتبص علي الورق المتراكم فوق بعض وتتحسر علي مستقبلك اللي بيضيع.

1. فعليك ان تعلم أخي الطالب .. طريقك الي اللجنة محفوفة بالمخاطر